इजरायलको महिनौँ लामो नाकाबन्दीका कारण गाजापट्टीमा मानवीय संकट बढ्दै गएको छ । धेरै परिवार दैनिक भोकमरीको सामना गरिरहेका छन् ।
हमाससँग जनवरीमा भएको युद्धविराम सम्झौताको पहिलो चरणको अन्त्यपछि इजरायलले २ मार्चमा गाजामा सामान र आपूर्तिको प्रवेशमा रोक लगाएको थियो । १८ मार्चमा उसले गाजामा पुनः आक्रमण सुरु गर्यो ।
खाना, आपूर्ति र राहतको कुनै सम्भावना नहुँदा गाजाका बासिन्दा बाँच्नको लागि अथक संघर्ष गरिरहेका छन् ।
‘४०० ग्रामको पीठोको झोला–यसले के गर्न सक्छ ? यसले आठ वा नौ टुक्रा रोटी बनाउँछ । दिनको एक छाक मात्र । हामी भोक नलागी सुत्न सकौँ भनेर मात्र बेलुकाको खाना खान्छौं, ताकि बच्चाहरू निदाउन सकून्,’ विस्थापित गाजाका अशरफ अलसुवैरले भने ।
उत्तरी गाजाको बेत लाहियाबाट विस्थापित भएका तहरीर अबु जबलले अलसुवैरको चिन्ताप्रति सहमति जनाउँदै भनिन्, ‘आपूर्तिको अभावले जीवन अत्यन्तै कठिन बनाएको छ । विशेषगरी ठूला परिवारहरूको लागि ।’
‘मेरो परिवारका सात सदस्य छन् । बाह्र वा तेह्रजना भएकाहरूलाई के हुन्छ ? तिनीहरूले कसरी खुवाउने ? त्यहाँ कुनै आपूर्ति छैन । केही पनि देशमा प्रवेश गरिरहेको छैन,’ उनले भनिन् ।
गाजामा मानवीय संकट :
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
