गाजामा इजरायली विस्फोटक पदार्थ उठाउँदा विस्फोट भएपछि आंशिक दृष्टि विहीन भएका सात वर्षीय मोहम्मद हिजाजी आफ्नो दृष्टि बचाउन सङ्घर्षरत छन् । उनी तत्काल उपचारको पर्खाइमा छन् ।
उत्तरी गाजाको जबालियाका हिजाजी इजरायली बम विस्फोटबाट बच्न आफ्नो परिवारसँग दक्षिणतिर भागेका थिए । तर जोगिंदा-जोगिंदै पनि मार्चमा एक दिन उनले अन्जानमा एउटा शङ्कास्पद वस्तु छुन पुगे । जुन इजरायली सैनिकहरूले छाडेको विस्फोट नभएको हतियार थियो ।
उक्त विस्फोटबाट हिजाजीको एउटा आँखाको नानी गुम्यो । र अर्को आँखा पनि चिकित्सकको हेरचाह नपाएका कारण एट्रोफीको जोखिममा छ । जसको उपचारका लागि तत्काल सम्भव छैन ।
अबु मोहम्मद आफ्नो छोरालाई आवश्यक उपचारको लागि गाजाबाट बाहिर निकाल्न आतुर छन् ।
उनी प्रार्थना गर्छन्–सानो मोहम्मदले फेरि एउटै आँखाले भए पनि संसार देख्न सकोस् । यो घटना २५ मार्च २०२५ मा भएको थियो । बिहानै विस्फोटको आवाज सुनियो । जस बेला हिजाजी शङ्कास्पद वस्तुसँग खेलिरहेका थिए ।
सात वर्षको बच्चा भएकाले, उसलाई बम हो भन्ने थाहा भएन । खेलौना हो भन्ने सोच्यो,तर विस्फोट भयो । परिवारले उसलाई रगतले लतपतिएको अवस्थामा भेटायो । उसको आकस्मिक शल्यक्रिया भयो । र, दाहिने आँखा निकालियो ।
देब्रे आँखा जोगाउन डाक्टरले चमत्कार आवश्यक पर्ने बताएका छन् । यदि यी बालकलाई चाँडै विदेशमा उपचार नगरे उसले आफ्नो अर्को आँखा पनि गुमाउन विवश हुनेछन् ।
यी बालकले आफ्ना दुवै आँखा गुमाए भने निश्चय पनि उनको परिवारका लागि अत्यन्तै पीडादायी हुनेछ । अरू केटाकेटीहरू खेलिरहेको, भाइबहिनीहरू बाहिर खेल्न गएको देख्नु परिवारका लागि पीडादायी पल हो ।
हिजाजीलाई इन्जिनियर बन्ने इच्छा थियो । आँखामा चोट लाग पनि फेरि संसार हेर्ने र इन्जिनियर बन्ने सपना भने उनले त्यागेका छैनन् ।
सिसिटिभी प्लस
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
