गण्डकी प्रदेश सरकारले राइड सेयरिङसम्बन्धी नियमावली एक महिनाका लागि स्थगित गर्ने निर्णय गरेपछि यातायात व्यवसायीहरूले आह्वान गरेका सबै आन्दोलनका कार्यक्रम फिर्ता लिएका छन् ।
मंगलबार साँझ बसेको नेपाल यातायात व्यवसायी राष्ट्रिय महासंघको बैठकले देशव्यापी आन्दोलनका कार्यक्रम फिर्ता लिने निर्णय गरेको महासंघका अध्यक्ष विजयबहादुर स्वाँरले जानकारी दिए ।
गण्डकी प्रदेश सरकारले राइड सेयरिङसम्बन्धी नियमावली कार्यान्वयनमा ल्याएसँगै यातायात व्यवसायीहरूले आपत्ति जनाउँदै आन्दोलन सुरु गरेका थिए । यसको प्रत्यक्ष असर स्वरूप देशभर सार्वजनिक यातायात सेवा ठप्प भएको थियो ।
प्रधानमन्त्री कार्यालयबाट प्राप्त निर्देशनपछि गण्डकी प्रदेश सरकारले नियमावलीलाई हाललाई एक महिनाका लागि स्थगित गर्ने निर्णय लिएको हो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
