Wed, 18 Sep, 2019


होटल उद्घाटन गर्न पोखरा पुगेका प्रधानमन्त्री ओली उद्घाटन नै नगरी किन फर्किए ?
फरकधार / जेठ १८, २०७६

काठमाडौं– होटल उद्घाटनका लागि पोखरा पुगेका प्रधानमन्त्री केपी शर्मा ओली उद्घाटन नै नगरी फर्किएका छन् । 



प्रधानमन्त्री ओलीले उद्घाटन गर्ने भनिएको होटल विवादास्पद भएका कारण अन्तिम समयमा आएर उद्घाटन स्थगित भएकाे हो । 

प्रधानमन्त्री ओली पोखराको लेकसाइडमा बनेको स्विस इन्टरनेसनल होटल सरोवर उद्घाटन गर्न त्यहाँ पुगेका थिए । 

ओली होटलमा पनि पुगेका भए पनि केहीबेर बसेर यत्तिकै फर्किए ।

होटल मापदण्डविपरीत बनेको र होटलका अध्यक्ष प्रा.डा. भरतराज पहारी पनि भ्रष्टाचारको मुद्दामा मुछिएका कारण प्रधानमन्त्रीलाई सो होटल उद्घाटन नगर्न दबाब परेको बुझिएको छ ।

पोखरा महानगरले १७ मिटरभन्दा अग्लो भवन बनाउन नपाउने नियम बनाएको भए पनि सो होटल १२ तलाको बनाइएको छ ।
 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्