हेटौंडा– प्रदेश ३ का मुख्यमन्त्री डोरमणि पौडेल मुटुमा समस्या देखिएपछि आइतबार काठमाडाैं शहीद गंगालाल राष्ट्रिय हृदयराेग केन्द्रमा भर्ना भएका छन् ।
नियमित स्वास्थ्य परीक्षणका लागि अस्पताल गएका पौडेल चिकित्सकको सल्लाहअनुसार भर्ना भएको उनको सचिवालयले जनाएको छ ।
मुख्यमन्त्रीका प्रेस संयोजक प्रकाश दाहालकाअनुसार चिकित्सकले आइतबार स्वास्थ्य परीक्षणपछि पौडेललाई १ हप्ता आराम गर्न गर्न भनेका छन् ।
उनी उच्च रक्तचाप तथा मधुमेहबाट पनि पीडित छन् । उनको यसअघि हेटौँडाको सामुदायिक आँखा अस्पतालमा आँखाको मोतीयाविन्दुको शल्यक्रिया गरिएको थियो ।
मुख्यमन्त्री पौडेल अस्पताल भर्ना भएपछि यही जेठ २४ र २५ गते हेटौँडामा हुने प्रदेश समन्वय परिषद्को बैठकसमेत प्रभावित हुने भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।