नयाँ दिल्ली– १३ जना बोकेको भारतीय वायुसेनाको विमान हराइरहेको खबर बाहिरिएको छ । भारतीय मिडियामा आएका खबरअनुसार असमको जोरहटबाट उडान भरेको केही क्षणमै विमानको एयरबेससँग सम्पर्क टुटेको थियो ।
खबरअनुसार, वायुसेनाको एयरक्राफ्ट एएन–३२ हराइरहेको छ । विमानमा ८ क्रु मेम्बर र ५ यात्री सवार छन् । विमान जोरहाट एयसबेसबाट स्थानीय समयअनुसार दिउँसो १२ बजेर २५ मिनेटमा उडेको थियो । पछिल्लोपटक एयरबेससँग उसको सम्पर्क १ बजे भएको थियो ।
भारतीय वायुसेनाले विमानको खोजीमा उपलब्ध सबै स्रोतसाधन प्रयोग गरी सर्च अपरेसन चलाएको छ । विमानबारे हालसम्म कुनै सुराक मिलेको छैन ।
रक्षामन्त्री राजनाथ सिंहले यसबारे वायुसेना उपप्रमुखसँग जानकारी लिएका छन् । केहीबेरअघि ट्विटरमार्फत यो जानकारी दिँदै रक्षामन्त्री सिंहले विमानमा सवार सबै यात्रीको सुरक्षाका लागि प्रार्थना गरेका छन् ।
Spoke to Vice Chief of @IAF_MCC, Air Marshal Rakesh Singh Bhadauria regarding the missing IAF AN-32 Aircraft which is overdue for some hours.
— Rajnath Singh (@rajnathsingh) June 3, 2019
He has apprised me of the steps taken by the IAF to find the missing aircraft. I pray for the safety of all passengers on board.
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।