छिमेकी देश चीनमा अविरल वर्षाका कारण नेपाल–चीन जोड्ने मितेरी पुलमा क्षति पुर्याएको छ ।
अत्यधिक वर्षाका कारण ३ः१५ बजे रसुवाको गोसाईकुण्ड गा.पा रसुवागढीस्थित जोड्ने मितेरीपुल बगाएको राष्ट्रिय विपद् जोखिम न्यूनिकरण तथा व्यवस्थापन प्राधिकरणले जनाएको छ ।
त्यस्तै टिमुरेस्थित भन्सार कार्यालयमा बाढी पस्दा कन्टेनर लगायतका सवारीसाधन समेत बगाएको छ ।
ठूलो भौतिक क्षतिको अनुमान गरिए पनि हालसम्म कुनै मानवीय क्षति नभएको प्राधिकरणले जनाएको छ । साथै तल्लो तटीय क्षेत्रमा पर्ने नुवाकोट, धादिङ लगायतका जिल्लाहरुमा सतर्कता अपनाउन आग्रह गरिएको छ ।
त्यसो त त्रिशुली नदीमा आएको भीषण बाढीले खोला किनारमा रहेका संरचनाहरुमा क्षति पुर्याएको छ । बाढीले ठूलाडूला काठ, दाउरा, डोजर, कन्टेनर लगायतका सवारीसाधन समेत बगाएको छ ।
मितेरी पुल नै बगाउँदा अहिलेका लागि चीनसँगको सम्पर्क टुटेको जिल्ला प्रशासन कार्यालय रसुवाका प्रमुख जिल्ला अधिकारी अर्जुन पौडेलले जानकारी दिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
