अमेरिकी राष्ट्रपति डोनाल्ड ट्रम्पले युरोपेली सङ्घबाट आयात हुने सामानमा ३० प्रतिशत भन्सार वृद्धि गर्ने चेतावनी दिँदा युरोपेली नेताहरू आश्चर्यचकित भएका छन् ।
युरोप र अमेरिकाबीच व्यापार सम्झौता नजिक भएको विश्वास भइरहँदा शनिबार यो पत्र प्राप्त भएपछि आशामा केही अवरोध आएको छ । ट्रम्पले १ अगस्टसम्म सम्झौता नभए तीन गुणा बढी भन्सार लागू हुने बताए ।
कुनै सदस्य राष्ट्रहरूलाई यो सूचना अप्रत्याशित तरिकाले प्राप्त भएको थियो । फिनल्यान्डका व्यापार मन्त्रीले भने, ‘हामी सम्झौता नजिक भएको महसुस गरिरहेका थियौँ । तर, अमेरिकी पक्षको यस अनपेक्षित निर्णयले हामीलाई केही चकित बनायो ।’
ट्रम्पले हालै जापान, दक्षिण कोरिया लगायतका अन्य देशहरूमा पनि भन्सार वृद्धि गर्ने निर्णय गरिसकेका छन् ।
यद्यपि, युरोपेली सङ्घका नेता अझै पनि वार्ताको सकारात्मक नतिजामा विश्वास राखेका छन् । प्रमुख वार्ताकार सेफकोभिकले भने, ‘हामी अमेरिकी प्रशासनसँग संवादमा छौँ । र, १ अगस्टभित्र सम्झौता गर्न सक्ने आशा राख्छौँ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
