साफ महिला यू–२० च्याम्पियनसिपअन्तर्गत बंगलादेशविरुद्धको निर्णायक खेलमा नेपाल सुरुवातमै पछि परेको छ । खेलको आठौँ मिनेटमा सागोरिकाले गोल गरेपछि नेपाल १–० ले पछि परेको हो ।
सागोरिकाले नेपालविरुद्धको पछिल्लो खेलमा रातो कार्ड पाएकी थिइन् । उनी तीन खेलको प्रतिबन्धपछि मैदान फर्किएकी हुन् । र, सागोरिकाले निर्णायक खेलमा बंगलादेशलाई सुरुवाती अग्रता दिलाएकी छन् ।
आजको खेल जित्ने टिमले उपाधि आफ्नो पक्षमा पार्नेछ । उपाधि जित्न बंगलादेशलाई बराबरी काफी छ । तर, नेपालले उपाधि जित्न आज बंगलादेशलाई हराउनैपर्ने समीकरण बनेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
