Wed, 18 Sep, 2019


प्रधानमन्त्री कपकाे उपाधि पुलिस क्लबलाई
फरकधार / जेठ २६, २०७६

काठमाडौं – तेस्रो संस्करणको प्रधानमन्त्री कप एकदिवसीय राष्ट्रिय क्रिकेट प्रतियोगिताको उपाधि नेपाल पुलिस क्लबले जितेको छ । पुलिसले त्रिभुवन आर्मी क्लबलाई चार विकेटले पराजित गर्दै उपाधि जितेको हो ।



आर्मीले दिएको १२६ रनको लक्ष्य पुलिसले ४०.३ ओभरमा ६ विकेट गुमाएर पूरा गर्‍यो । पुलिसको जितमा प्रारम्भिक ब्याट्सम्यान सुनिल धमलाले ४२ रनको अविजित पालि खेले । निकै सुस्त गतिमा रन बनाएका उनले १३१ बलमा दुई चौका हिर्काए । यस्तै अमित श्रेष्ठले ४४ रन बनाउँदा कप्तान मञ्जित श्रेष्ठले ११ रन बनाए ।

आर्मीका करन केसीले तीन विकेट लिए । यस्तै सहाब आलमले दुई तथा सुशन भारीले एक विकेट हात पारे ।

यसअघि टस जितेर पहिले ब्याटिङ गरेको आर्मीले ३३.३ ओभरमा अलआउट हुँदै १२५ रन मात्र बनाउन सक्यो । पुलिसका पवन सर्राफ र ललितनारायण राजवंशीले धारिलो बलिङ गर्दै आर्मीलाई दबाबमा राखेका थिए । पवन र ललितले चार÷चार विकेट लिए । यस्तै सागर ढकालले पनि एक विकेट हात पारे ।

राष्ट्रिय खेलकुद परिषद्को आयोजना र नेपालयको व्यवस्थापनको भएको प्रतियोगिताको उपाधि विजेता पुलिसले २० लाख रुपैयाँ प्राप्त गर्‍यो । उपविजेता आर्मीले भने १० लाख रुपैयाँमा चित्त बुझायो ।


यो सामाग्री सेयर गर्नुहोस्


यो पनि नछुटाउनुहोस्