काठमाडौं– भारतीय गायिका नेहा कक्कर सहभागी कार्यक्रमका लागि ठमेलस्थित लर्ड अफ डिस्को नामक नाइट क्लबमा क्षमताभन्दा बढी टिकट बेचेको आरोपमा पारामाउन्ट इभेन्ट प्रा.लिका सञ्चालक दीपक घिमिरे पक्राउ परेका छन् ।
क्लबको क्षमताभन्दा दोब्बर टिकट बिक्री गरी र स्थानीय प्रहरीसँग समन्यय नगरेकाले उनलाई पक्राउ गरिएको महानगरीय परिसर काठमाडौंका प्रवक्ता डीएसपी होविन्द्र बोगटीले जानकारी दिए ।
उनले भने–‘बढी लिएको रकम फिर्ता गर्नुपर्ने अवस्था छ । उहाँले क्षमता भन्दा बढी बेचेको टिकट फिर्ता नगरे ठगी ऐन अन्तर्गत कारवाही प्रक्रिया अघि बढाइने छ ।’
उक्त कार्यक्रमा प्रतिव्यक्ति टिकटबापत ५ हजार रुपैयाँ उठाइएको थियो । २ हजार क्षमताको डिस्कोमा हुने कार्यक्रमका लागि दोब्बरभन्दा बढी टिकट विक्री गरिएको बोगटीले जानकारी दिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।