नेपाल प्रिमियर लिग (एनपिएल)–२०२५ को पहिलो खेलबाट उठ्ने टिकट रकम यसपालि प्रधानमन्त्री राहत कोषमा जम्मा गरिने भएको छ । नेपाल क्रिकेट संघ (क्यान) का सचिव पारस खड्काले बिहीबार नेपाली टिमको बिदाइ कार्यक्रमका क्रममा यसबारे जानकारी दिए ।
बिदाइ कार्यक्रममा क्यानले वेस्ट इन्डिजविरुद्धको शृंखलाका लागि युनाइटेड अरब इमिरेट्स (यूएई) जाने नेपाली टिमलाई सम्मानपूर्वक बिदाइ गरेको थियो । कार्यक्रममा विशेषरूपमा भदौ २३ र २४ गते जेनजी प्रदर्शनका क्रममा ज्यान गुमाएकाको सम्झनामा श्रद्धाञ्जली पनि अर्पण गरिएको थियो ।
‘एनपिएल–२०२५ को पहिलो खेलबाट उठ्ने सम्पूर्ण टिकट रकम प्रधानमन्त्री राहत कोषमा जम्मा गरिनेछ । यसले प्रभावित परिवारलाई सहयोग पुर्याउने छ र खेलको सामाजिक उत्तरदायित्त्वलाई समेत पुष्टि गर्छ,’ सचिव खड्काले भने ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
