Wed, 18 Sep, 2019


स्कुल बसबाट टाउको निकाल्दा १४ वर्षे छात्रको ज्यान गयो
फरकधार / जेठ ३०, २०७६

सिन्धुली– स्कुल बसको झ्यालबाट टाउको निकाल्दा बाटोछेउको बोर्डमा टाउको ठोकिएर १४ वर्षीय बालकको मृत्यु भएको छ । बुधबार स्कुल छुटेर घर फर्कने क्रममा प्रगतिशील माध्यमिक विद्यालय रातामाटामा कक्षा ९ मा अध्ययनरत रमिस श्रेष्ठको ज्यान गएको हो । 



बिपी राजमार्गअन्तर्गत सुनकोसी गाउँपालिकाको रातामाटाबाट मुल्कोटतर्फ जाँदै गरेको प्रगतिशील माविको बसमा सवार रमिसको टाउको मूलकोट भोटेखोलाको पुलछेउ ‘भोटेखोला’ लेखेको बोर्डमा ठोकिएको थियो । टाउकोमा गम्भीर चोट लागेका रमिसको घटनास्थलमै मृत्यु भयो ।

घटनापछि बस प्रहरीको नियन्त्रणमा रहेको जिल्ला प्रहरी कार्यालय सिन्धुलीले जनाएको छ ।


यो सामाग्री सेयर गर्नुहोस्


यो पनि नछुटाउनुहोस्