वेस्ट इण्डिजविरुद्ध हुने तीन खेलको युनिटी कप अन्तर्राष्ट्रिय टी–२० शृङ्खला खेल्न नेपाली क्रिकेट टोली आज संयुक्त अरब इमिरेट्स (यूएई) प्रस्थान गर्ने भएको छ ।
प्रवेशाज्ञा पाएसँगै नेपाली टोली त्यसतर्फ जान लागेको हो । जेनजी प्रदर्शनका कारण यूएईले नेपालीलाई पर्यटक भिसा र श्रम भिसामा रोक लगाएको थियो । रोक लगाएपछि नेपाली क्रिकेट टोली यूएई जान सकेको थिएन ।
नेपाल क्रिकेट संघ (क्यान) को आग्रहपछि मात्र यूएईले नेपाली टोलीलाई आइतबार प्रवेशाज्ञा दिएको थियो ।
क्यानका प्रवक्ता छुम्बी लामाले नेपाली टोली मङ्गलबारसम्म यूएई पुगिसक्ने जानकारी दिए । नेपालले दुईपटकको विश्वकप विजेता वेस्ट इण्डिजविरुद्ध यही असोज ११, १३ र १४ गते यूएईस्थित शारजाह क्रिकेट रङ्गशालामा खेल खेल्ने तय भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
