यूएईमा जारी एसिया कप टी–२० प्रतियोगिताको सुपर फोरमा आज भारत र बंगलादेश खेल्ने भएका छन् ।
यी दुई टिमबीचको खेल राति ८ः१५ देखि सुरु हुनेछ । आजको खेलको जितले सुपर फोरमा पुग्ने टिमको टुंगो लाग्नेछ । यो खेल दुवै टिमका लागि महत्वपूर्ण छ ।
भारत र बंगलादेशले आफ्नो पहिलो खेलमा जित निकालेका थिए । यस्तै, गएराति भएको खेलमा पाकिस्तानले श्रीलंकालाई पाँच विकेटले हराउँदै सुपर फोरको सम्भावना जीवित राख्यो ।
श्रीलंका भने सुपर फोरमा अंकविहीन छ । श्रीलंकाले अन्तिम खेलमा भारतको सामना गर्नेछ ।
आठ टिम सहभागी एसिया कपबाट आयोजक यूएई, हङकङ, ओमान र अफगानिस्तान समूह चरणबाट बाहिरिएपछि भारत, पाकिस्तान, बंगलादेश र श्रीलंका सुपर फोरमा पुगेका हुन् ।
सुपर फोरका शीर्ष दुईवटा टिमले २८ सेप्टेम्बरमा फाइनल खेल्ने छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
