अखिल नेपाल फुटबल संघ (एन्फा) ले नेपाली राष्ट्रिय महिला फुटबल टोलीको मुख्य प्रशिक्षकमा नवीन न्यौपानेलाई नियुक्त गरेको छ । एन्फाले न्यौपानेलाई सन् २०२६ मा हुने साफ महिला च्याम्पियनसिपसम्मका लागि जिम्मेवारी दिएको हो ।
न्यौपानेलाई आज एन्फा कम्प्लेक्समा महासचिव किरण राईले औपचारिकरूपमा नियुक्ति पत्र हस्तान्तरण गरेका छन्। हालै सम्पन्न एएफसी यू–२३ एशियन कप छनोट प्रतियोगितामा पनि न्यौपाने नेपाली टोलीका मुख्य प्रशिक्षक थिए ।
प्रशिक्षक न्यौपानेलाई सहकार्यका लागि एन्फाले भगवती थापा र राजकुमार केसीलाई सहायक प्रशिक्षकका रूपमा नियुक्त गरेको छ । साथै, महिला राष्ट्रिय टोली व्यवस्थापनमा बिन्द्रा देवान (टिम म्यानेजर), शिला गिरी (फिजियोथेरापिस्ट) र विकास गुरुङ (किट म्यानेजर) यथावत् रहनेछन् ।
यसअघि, एएफसी महिला एशियन कप छनोटका लागि नियुक्त मुख्य प्रशिक्षक प्याट्रिक डे वाइल्डले प्रतियोगितापछि पदबाट राजीनामा दिएसँगै महिला राष्ट्रिय टोली प्रशिक्षकविहीन बनेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
