वेष्ट इन्डिज विरुद्धको टी-२० अन्तर्राष्ट्रिय क्रिकेट खेलमा नेपालले ट्स हारेको छ । संयुक्त अरब इमिरेट्सको शारजाह क्रिकेट रङ्गशालामा भएको ट्समा वेस्ट इन्डिजका कप्तान अकिल होसेनले टस जितेर पहिला फिल्डिङ रोजेका छन् । यससँगै नेपालले पहिला ब्याटिङ गरिरहेको छ ।
नेपाली क्रिकेट इतिहासमा नेपालले पहिलो पटक दुई पटकको विश्वकप विजेता वेष्ट इन्डिज विरुद्ध खेल्न लगेको हो । नेपालको प्लेइङ ११ मा कप्तान रोहित पौडेलसहित कुशल भुर्तेल, आसिफ शेख, कुशल मल्ल, सन्दीप जोरा, दीपेन्द्रसिंह ऐरी, गुलसन झा, सोमपाल कामी, नन्दन यादव, करण केसी र ललित राजवंशी छन् ।
आगामी सातादेखि ओमानमा हुने आइसीसी टी-२० एसिया कप क्षेत्रीय छनोटको तयारी स्वरूप नेपालले वेष्ट इन्डिजसँग टी–२० अन्तर्राष्ट्रिय खेलको सिरिज खेल्न लागेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
