मधेस प्रदेश सरकारले सात वर्ष अघि ‘बेटी पढाऔँ, बेटी बचाऔँ’ योजना अन्तर्गत सुरु गरेको छोरी शिक्षा बीमा कार्यक्रममा बजेट अभावका कारण स्थगित गरिएको छ । मधेश प्रदेश सरकारले चालु आर्थिक वर्ष २०८२/०८३ को बजेटमा उक्त कार्यक्रमका लागि बजेट नै विनियोजन नगरेको हो ।
शिक्षा विकास निर्देशनालयका छोरी शिक्षा बीमा कार्यक्रमका संयोजक प्रियकां यादवले बजेट नहुँदा कार्यक्रम स्थगित भएको बताइन् । उक्त कार्यक्रममार्फत हालसम्म १४ हजार ४५३ जना छोरीको बीमा गरिएको निर्देशनालयले जनाएको छ ।
निर्देशनालयका अनुसार आर्थिक वर्ष २०७५/०७६ मा पाँच हजार ६६६, आव २०७८/७९ मा एक हजार ७०२, आव २०७९/०८० मा तीन हजार ३०२ र आव २०८०/०८१ मा तीन हजार ७८३ जना छोरीको बीमा गरिएको थियो ।
कार्यक्रम अन्तर्गत हालसम्म १० हजार जना छोरीको प्रिमियम तिर्न बाँकी रहेको संयोजक यादवले बताइन् । उनका अनुसार एक जना छोरीको बीमा गर्दा ३७ हजार ४५७ प्रिमियम तिर्नुपर्छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
