पाँचथरको तमोर कोरिडोर अन्तर्गत कुम्मायक गाउँपालिका-३ रानीगाउँको कात्तिकेमा बोलेरो दुर्घटनामा परेको छ । बोलेरोमा सवार १२ जना मध्ये ६ जनाको घटनास्थलमै निधन भएको जनाइएको छ ।
नेपाली सेना श्री वीरदल गणबाट खटिएको टोलीले स्थानीय वासिन्दा र अन्य सुरक्षा निकायको सहयोगमा दुर्घटनामा परी घाइते भएका भएका ६ जनाको उद्धार गरेको छ । मृत्यु हुने ६ जनामा ३ महिला र ३ पुरुष रहेको सेनाले जनाएको छ ।
मृतक र घाइतेहरुको पहिचान खुलिनसकेको छैन । घाइतेहरुको उपचारको लागि धरान र फिदिमतर्फ पठाइएको छ । हाल नेपाल प्रहरी, नेपाली सेना, स्थानीय लगायतले उद्धारको काम जारी राखेका छन् । बोलेरो जीप तमोर करिडोर अन्तर्गत कुम्मायक–३ मा सडक भन्दा अन्दाजी पाँचसय मिटर तल तमोर नदी नजिकै खसेको थियाे ।
निरन्तरको झरी, अप्ठ्यारो भीर भएका कारण उद्धारमा कठिनाइ भइरहेको छ । जीपले ताप्लेजुङबाट १२ जना यात्रु लिएर धरानतर्फ छुटेको बुझिएको छ भने बीचमा चढाएको यात्रु संख्या एकिन हुन सकेको छैन ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
