नेपाली महिला टोलीकी कप्तान इन्दु बर्माले टी–२० अन्तर्राष्ट्रिय क्रिकेटमा १ हजार रन पूरा गर्ने ऐतिहासिक उपलब्धि हासिल गरेकी छन् । उनी यो कीर्तिमान बनाउने पहिलो नेपाली महिला क्रिकेटर बनेकी हुन् ।
इन्दुले उक्त उपलब्धि मंगलबार मलेसियाविरुद्ध खेलेको खेलमा हासिल गरेकी हुन् । मलेसियाविरुद्धको जितमा उनले ३९ बलमा ६ चौकासहित अविजित ४८ रनको इनिङ खेलिन् ।
इन्दुले हालसम्म ७७ वटा टी–२० अन्तर्राष्ट्रिय खेल खेलेकी छिन्, जसमा उनले १८ को औसतमा १ हजार ४३ रन बनाएकी छन् । इन्दुको व्यक्तिगत उच्च स्कोर ५५ रन हो ।
उनीपछि नेपालका लागि सर्वाधिक रनकर्ताको सूचीमा सीता रानामगर छिन् । उनले ६३ खेलमा ९६५ रन बनाएकी छन् ।
त्यस्तै, पूर्वकप्तान रुबिना क्षेत्रीले ७८ खेलमा ९३६ रन बनाएकी छन् । यस्तै, पूजा महतोले छोटो करियरमै प्रभाव जमाउँदै ४३ इनिङ्समा ५ सय १६ रन जोडिसकेकी छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
