नेपाल र मलेसियाले बुधबार टी–२० आई सिरिजको पाँचौं तथा अन्तिम खेल खेल्दै छन् । यी दुई टिमबीचको खेल बिहान ७ः४५ देखि सुरु हुनेछ ।
सिरिज अहिले २–२ को स्थितिमा छ । श्रृंखलाको पहिलो खेलमा नेपालले तीन रनले गुमाएको थियो । दोस्रो खेलमा भने नेपाल ६ विकेटले विजयी भयो ।
यद्यपि तेस्रो खेलमा नेपालले मलेसियासँग १३ रनको हार बेहोर्यो । चौथो खेलमा भने नेपालले फेरि ६ विकेटको सानदार जित निकाल्यो ।
अब नेपाल बुधबारको खेलमा पनि मलेसियालाई हराउँदै सिरिज ३–२ ले जित्ने योजनामा छ ।
यद्यपि घरेलु टिम मलेसियालाई हराएर श्रृंखला जित्न सहज छैन । किनकी नेपाली ब्याटर बाउन्ड्रीमा बढी निर्भर छन् ।
शारीरिकरूपमा पूर्ण फिट नहुँदा नेपाली खेलाडी सिंगल–डबल रन लिन निकै संघर्ष गरिरहेका छन् । र, नेपाली ब्याटर बढीजसो रनआउट भइरहेका छन् ।
यदि निर्णायक खेलमा नेपालले यो कमजोर पक्षमा सुधार गरे सिरिज नजित्ला भन्न सकिँदैन ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
