ओमानमा जारी आइसिसी टी–२० विश्वकप छनोटअन्तर्गत जापानविरुद्धको खेलमा नेपालले सानदार पुनरागमन गरेको छ । नेपालले पछिल्लो पाँच ओभरमा पाँच विकेट लिएको छ ।
नेपाललाई छैटौँ सफलता लेगस्पिनर सन्दीप लामिछानेले दिलाए । उनले १७औँ ओभरको अन्तिम बलमा डेक्लान सुजुकीलाई एक रनमा आउट गरे ।
नेपाललाई पाँचौं सफलता गुलशनकुमार झाले दिलाए । उनले १५.१ ओभरमा इब्राहिम ताकाहाशीलाई चार रनमा बोल्ड गरे । नेपाललाई चौथो सफलता स्पिनर सन्दीप लामिछानेले दिलाए । उनले १४.३ ओभरमा सबौरिश रविचन्द्रनलाई एक रनमा अबोल्ड गरे ।
नेपाललाई तेस्रो सफलता अलराउन्डर गुलशनकुमार झाले दिलाए । उनले १३.३ ओभरमा जापानी टिमका कप्तान केन्डेल काडोवाकी फ्लेमिङलाई ६० रनमा क्याचआउट गराए ।
नेपाललाई दोस्रो सफलता सोमपाल कामीले दिलाए । उनले १२.५ ओभरमा इसाम रहमानलाई ३१ रनमा आउट गरे ।
टस जितेर बलिङ रोजेको नेपालले जापानको पहिलो विकेट ३.२ ओभरमा लिएको थियो । नेपाललाई पहिलो सफलता दीपेन्द्र सिंह ऐरीले दिलाए । उनले ३.२ ओभरमा अभिषेक आनन्दलाई एक रनमा रनआउट गरे ।
जारी प्रतियोगितामा नेपाल–जापान लगातार दोस्रो जितको खोजीमा छन् । उनीहरूले आफ्नो पहिलो खेलमा कुवेतलाई हराएका थिए ।
नेपाल र जापान एक खेलअगावै सुपर सिक्समा पुगिसकेका छन् । अब उनीहरू आज समूह ‘बी’ को विजेता बन्ने लक्ष्यमा छन् ।
आजको खेल सुपर सिक्स चरणको सरह हो । यो खेल जित्ने टिमले सुपर सिक्समा २ अंक प्राप्त गर्नेछ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
