एजेन्सी– बलिउड अभिनेता ऋतिक रोशनमात्र होइन, उनको परिवारमा सबैजना फिटनेसलाई विशेष प्राथमिकता दिन्छन् । कतिसम्म भने उनकी ६४ वर्षकी आमा पिन्की रोशन पनि फिटनेसमा निकै ध्यान दिन्छिन् । यसको प्रमाण हो, उनी स्वयंले आफ्नो इन्स्टाग्राम एकाउन्टमा राखेको एउटा भिडियो । उनले आफूले एक्सरसाइज गर्दै गरेको भिडियो इन्स्टाग्राममा राखेकी छिन् र यो निकै भाइरल भएको छ ।
उनले एक दिन पनि जिम जान नछुटाउने पनि बताएकी छिन् । दैनिक वर्कआउट गर्ने पिन्कीको फिटनेस प्रेमबाट आफू निकै प्रभावित भएको ऋतिक रोशनले बताउँदै आएका छन् । एक अन्तर्वार्तामा उनले पिन्कीको बारेमा भनेका थिए, ‘म मेरी आमाबाट निकै प्रेरित छु, उहाँ सशक्त महिला मात्र होइन, सबैलाई प्रेरित गर्ने महिला पनि हो ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
