नेकपा (एमाले) ले ‘युथ भोलेन्टियर फोर्स’ गठन गरेको छ। आइतबार भक्तपुरको गुण्डुमा जनसंगठन समन्वय संयन्त्रले आयोजना गरेको विशेष भेलामा पार्टी अध्यक्ष केपी शर्मा ओलीको उपस्थितिमा फोर्सको घोषणा गरिएको हो ।
पोलिटब्युरो सदस्य महेश बस्नेतका अनुसार उक्त फोर्स भक्तपुरपछि ललितपुर, काठमाडौं, काभ्रे र रामेछापलगायत जिल्लामा पनि विस्तार गरिनेछ ।
दुई महिनादेखि करिब दुई हजार युवा गुण्डु क्षेत्रमा स्वेच्छिक रूपमा खटिएका दाबी गर्दै उनले युवा संघ, भूपू सैनिक संगठन र एमाले भक्तपुरले समन्वय गर्दै नेताहरूको सुरक्षामा सहयोग गरिरहेका त्यस्ता काम गरिरहने बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
