नेकपा (एमाले) ले विधान महाधिवेशनपछि बसेका सचिवालय र केन्द्रीय कमिटीका बैठकका निष्कर्ष समेट्दै नयाँ अन्तरपार्टी निर्देशन (अपानि) जारी गरेको छ ।
अध्यक्ष केपी शर्मा ओलीले मंगलबार जारी गरेको अपानिमा भदौ २३ र २४ गतेको ‘जेनजी आन्दोलन’ र त्यसपछिका घटनाक्रमले निम्त्याएको राजनीतिक प्रभावसहित आसन्न ११औँ महाधिवेशनबारे विस्तृत समीक्षा गरिएको छ ।
निर्देशनमा तत्कालीन प्रधानमन्त्री ओलीले पदबाट राजीनामा दिएपछि कामचलाउ प्रधानमन्त्रीका रूपमा संविधान संशोधनमार्फत राजनीतिक संकटको समाधान खोज्ने उद्देश्यले राष्ट्रपतिलाई सिफारिस गरेको प्रसंग उल्लेख गरिएको छ ।
अपानिमा भनिएको छ, ‘प्रतिनिधिसभाको विघटनले देशलाई जनप्रतिनिधिविहीन अवस्थातर्फ धकेलेको छ । यसले राजनीतिक रिक्तता सिर्जना गरेको मात्र होइन, जनतामा निहित सार्वभौमसत्तालाई कमजोर बनाउँदै लोकतन्त्रविरोधी शक्तिहरूलाई उत्साहित तुल्याएको छ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
