Tue, 16 Jul, 2019


शिखर धवन विश्वकपबाट बाहिर
फरकधार / असार ४, २०७६

एजेन्सी– भारतीय क्रिकेट टिमका ओपनर शिखर धवन औंलामा भएको चोटका कारण यसपटकको विश्वकपबाट बाहिरिएका छन् । 



यसअघि उनी तीन साताका लागि मात्र खेल्न नसक्ने बताइएको थियो । तर, भारतको समाचार एजेन्सी पिटिआइले धवनले अब कुनै पनि खेल खेल्न नसक्ने बताएको छ । 

३० मेमा सुरु भएको विश्वकप एकदिवशीय क्रिकेटको फाइनल खेल १४ जुलाईमा हुँदैछ । 

शिखर धवन अब खेल्न नसक्नु भनेको भारतका लागि ठूलो झट्का हो । शिखरले अष्ट्रेलियाविरुद्धको खेलमा १०९ बलमा ११७ रन प्रहार गरेका थिए । यही खेलमा उनको बायाँ औंलामा चोट लागेको थियो । तर, आउट नहुँदासम्म उनी क्रिजमा बसे, खेलिरहे । 

पाकिस्तानसँग भएको खेलमा चाहिँ भारतीय टिममा शिखर धवन थिएनन् । उनको ठाउँमा केएल राहुल र रोहित शर्माले ओपनिङ गरेका थिए ।

शिखरको उपचारमा संलग्न चिकित्सकले चाहिँ उनको औंला फ्र्याक्चर भएको बताएका छन् । 

भारतले यसपटकको विश्वकपमा अहिलेसम्म दुई खेलमात्र खेलेको छ । 

अब शिखर धवनको ठाउँमा ऋषभ पन्त वा श्रेयस अय्यर आउन सक्ने अनुमान गरिएको छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्