काठमाडौं– नेपाल कम्युनिस्ट पार्टी (नेकपा) को सचिवालय बैठक शनिबार (आज) दिउँसो बस्ने भएको छ ।
बैठक यसअघिका लागि नै बस्ने तयारी भएको थियो । तर, प्रधानमन्त्री केपी शर्मा ओली युरोप भ्रमणमा निस्केपछि बैठक स्थगित भएको थियो ।
शनिबारको बैठक प्रधानमन्त्री निवास बालुवाटारमा ३ बजे बस्ने भएको छ । सचिवालय बैठकले जिल्ला इन्चार्ज र सहइन्चार्जको अन्तिम टुंगो लगाउने बताइएको छ।
सरकारी पदमा रहेका नेता र बाहिर रहेका नेताबीच दोहोरो भूमिका दिने कि नदिने भन्ने विषयमा विवाद उत्पन्न भएपछि इन्चार्ज र सहइन्चार्जको नामावली सार्वजनिक गर्न नेकपालाई हम्मे परेको थियो ।
शनिबारको बैठकमा विभाग गठन र केन्द्रीय सदस्यको जिम्मेवारीको बाँडफाँटका विषयमा पनि छलफल हुने बताइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
