लोकप्रिय गायिका समीक्षा अधिकारीको नयाँ गीत ‘शिरमा शिरबन्दी’ को म्युजिक भिडियो सार्वजनिक भएको छ ।
समीक्षाको आधिकारिक युट्युब च्यानलमार्फत रिलिज गरिएको गीतमा उनी र सुवास खत्रीको स्वर रहेको छ, शब्द सुजित खत्रीले लेखेका हुन् ।
सुवास खत्रीकै संगीत, अरेन्ज, मिक्सिङ र मास्टरिङमा तयार गीतको रेकर्डिङ ‘स्काइ म्युजिक’ स्टुडियोमा गरिएको हो ।
गीतसँगै सार्वजनिक गरिएको भिडियो विशाल घिमिरेको निर्देशनमा तयार गरिएको हो ।
भिडियोमा समीक्षा अधिकारीसँगै कलाकार प्रभात पल ठकुरीले अभिनय गरेका छन् ।
रोशन बिकेको कोरियोग्राफी रहेको भिडियोको छायांकन बुद्ध थापाले गरेका हुन् । भिडियोकाे सम्पादन तथा रङ्गसम्पादन अमृत चापागाईंले सम्हालेका छन् ।
भिडियो निर्माणमा उत्पादन व्यवस्थापकका रूपमा माधव राउत संलग्न छन् । बाबा एजुकेसन कन्सल्टेन्सी ‘एजुकेसन पार्टनर’का रूपमा जोडिएको छ । साथै सर्मिला अधिकारी, शिव अधिकारी, रविना पौडेल र चुयोकु एजुकेसन कन्सल्टेन्सीलाई विशेष धन्यवाद दिइएको छ ।
संगीत, निर्देशन र अभिनयको सशक्त संयोजन रहेको ‘शिरमा शिरबन्दी’ले दर्शक–श्रोताबाट राम्रो प्रतिक्रिया पाइरहेकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
