एजेन्सी– अमेरिकाको मिसिगनमा रहने एक रिचर्ड डिक जेलास्कोको खुसी लामो समय टिक्न नै पाएन । उनले ८ सय करोड नेपाली रुपैयाँ बराबरको चिठ्ठा जितेका थिए । ८० मिलियन अमेरिकी डलरको चिठ्ठा जितेका रिचर्ड त्यति बेला अदालतमा थिए । उनको र उनकी श्रीमतीको सम्बन्धविच्छेद हुँदै थियो । 

जब उनलाई चिठ्ठा परेको समाचार आयो, अदालतमा फैसला भयो, त्यसको आधा पैसा पनि श्रीमतीलाई दिनु पर्ने हुन्छ । यो फैसलाको विरोधमा रिचर्डले फेरि रिभ्यु गर्न अनुरोध गरेका छन् । उनले आफ्नो भाग्यका कारण चिठ्ठा लागेको भन्दै यो पैसा श्रीमतीलाई दिन मानेका थिएनन् । 

अदालतमा यस्तो भएको घटना सन् २०१३ को हो । तर, रिचर्डले यसमाथि फेरि अपिल गरेपछि यसको सुनुवाई चाहिँ केही दिनपहिले मात्र भयो । अब उच्च अदालतले पनि रिचर्डको पक्षमा फैसला गरेको छैन । यसको अर्थ हो, रिचर्डले चिठ्ठामा जितेको आधा पैसा श्रीमतीलाई दिनु पर्ने हुन्छ ।

रिचर्डले सन् २००४ मा विवाह गरेका थिए । उनीहरुका तीन बच्चा छन् । उनीहरु सन् २०१३ देखि नै अलग बस्दै आएका थिए ।