काठमाडौं– पल्सर स्पोर्टस् अवार्डको मनोनयन सार्वजनिक गरिएको छ । नेपाल खेलकुद पत्रकार मञ्चले आयोजना गर्ने सो अवार्डको चार विधामा मनोनयनमा पर्ने खेलाडीकाे नाम सार्वजनिक गरिएको हो ।
मंगलबार काठमाडौंमा पत्रकार सम्मेलन गरी मञ्चले वर्ष उत्कृष्ट पुरुष खेलाडी, वर्ष उत्कृष्ट महिला खेलाडी, वर्ष उत्कृष्ट युवा खेलाडी र वर्ष उत्कृष्ट प्रशिक्षक विधामा पर्ने खेलाडी तथा प्रशिक्षकको नामावली सार्वजनिक गरेको छ ।
आगामी असार १७ गते आयोजना हुने सो अवार्डलाई नेपाली खेलकुदकै प्रतिष्ठित खेलकुद अवार्ड मानिन्छ । १६औँ संस्करणको अवार्ड कार्यक्रममा ९ विधाका खेलाडी र खेलकर्मीसहित एकजना अन्तर्राष्ट्रिय खेल पत्रकारलाई सम्मान गर्ने कार्यक्रम रहेको छ ।
पिपल्स च्वाइस अवार्डको मनोनयन यसअघि नै सार्वजनिक भइसकेको छ । यसपटक पनि उत्कृष्ट पुरुष, महिला, पिपुल्स च्वाइस तथा प्रशिक्षकले पल्सर मोटरसाइकल पुरस्कार प्राप्त गर्नेछन् । अन्य विधाका विजेताले ५० हजार रुपैयाँ प्राप्त गर्नेछन् ।
वर्ष उत्कृष्ट पुरुष खेलाडी
पारस खड्का (क्रिकेट)
सोमपाल कामी (क्रिकेट)
शुक्रबहादुर राई (गल्फ)
इन्द्रबहादुर श्रेष्ठ (जुडो)
युकेश गुरुङ (पाराग्लाइडिङ)
वर्ष उत्कृष्ट महिला खेलाडी
सावित्रा भण्डारी (फुटबल)
सरस्वती चौधरी (भलिबल)
सीता रानामगर (क्रिकेट)
नीमा गुरुङ (तेक्वान्दो)
मनिता श्रेष्ठ प्रधान (जुडो)
वर्ष उत्कृष्ट युवा खेलाडी
अजितकुमार यादव (एथलेटिक्स)
प्रिन्स दाहाल (ब्याडमिन्टन)
मञ्जलीकुमारी योञ्जन (फुटबल)
ललितनारायण राजवंशी (क्रिकेट)
विजय श्रेष्ठ (कराते)
वर्ष उत्कृष्ट प्रशिक्षक
योगेश भट्टराई (प्याराग्लाइडिङ)
हरि खड्का (फुटबल)
धनीरामचौधरी (एथलेटिक्स)
जगत टमाटा (क्रिकेट)
ज्ञानेन्द्र बिष्ट (भलिबल–एपिएफ)
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।