Mon, 14 Oct, 2019


पाकिस्तानः प्रधानमन्त्रीकै पार्टीका नेताले लाइभ टिभी कार्यक्रममा पत्रकार कुटे
फरकधार / असार १०, २०७६

एजेन्सी– पाकिस्तानी प्रधानमन्त्री इमरान खानको पार्टी पाकिस्तान तहरिक ए इन्साफका नेताले न्युज च्यानलमा चलिरहेको एक लाइभ कार्यक्रममा नै पत्रकारलाई कुटपिट गरेका छन् । पिटिआइका नेता मसरुर अली सियालले कराँची प्रेस क्लबका अध्यक्षसमेत रहेका इम्तियाज खानलाई लाइभ कार्यक्रमकै समयमा हातपात गरेका हुन् । 



यो घटनाको भिडियो अहिले सामाजिक सन्जालमा निकै भाइरल भइसकेको छ । पाकिस्तानमा सामाजिक सन्जाल प्रयोगकर्ताले चाहिँ ती नेताको चर्को विरोध गरेका छन् । अधिकांशले प्रश्न गरेका छन्– के यो इमरान खानले बनाउने भनेको नयाँ पाकिस्तानमा यस्तै हुन्छ ?

पत्रकार र ती नेताबीच एउटा मुद्दामा विवाद भएपछि ती नेता रिसमा पुगेका थिए । रिसाएका ती नेताले तत्काल सिटबाट उठे र पत्रकारमाथि हात हालिहाले । यी दुई बाहेक अन्य दुई पाहुना पनि कार्यक्रममा उपस्थित थिए ।

याे कार्यक्रम तिनै पत्रकारले चलाएकाे भने हाेइन । उनी पनि कार्यक्रममा पाहुनाका रुपमा पुगेका िथए । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्