काठमाडौं– प्रहरीले केहीअघि पक्राउ गरेका कविद्वय संगीत स्रोता र रसुवाली कविलाई छोडेको छ । सँगै रहेका अन्य साहित्यकारहरुको व्यापक दबाब पछि प्रहरीले यी दुईलाई छोड्न बाध्य भएको हो । 

‘हामीले झुक्किएर पक्राउ गर्यौँ,’ प्रहरीले स्रोता पक्राउ गर्नु पर्ने कारणबारे भन्यो, ‘रसुवाली कविलाई पक्राउ गर्दा उहाँ पनि पक्राउ पर्नु भयो ।’ स्रोता नयाँ पत्रिकाका पत्रकार भएको थाहा पाएपछि प्रहरी गलेको स्रोतालाई लगिएको महानगरीय प्रहरी वृत्त सिंहदरबार पुगेका अर्का एक पत्रकारले बताए । 

प्रहरीले संगीत स्रोता र रसुवाली कविलाई प्रदर्शनीमार्गबाट पक्राउ गरेको थियो ।