टी–२० अभ्यास श्रृंखलामा अमेरिकाविरुद्धको खेलमा नेपालले चार विकेटको जित निकालेको छ । यस श्रृंखलामा नेपालको यो पहिलो जित हो ।
अघिल्लो दुई खेलमा नेपालले अमेरिका र स्कटल्याण्डसँग हार बेहोरेको थियो ।
आइतबार अमेरिकाले दिएको १ सय ५८ रनको लक्ष्य नेपालले १९ ओभरमा ६ विकेट गुमाएर पूरा गर्यो ।
नेपालको जितमा ओपनर सम्झना खड्काले ३२ बलमा ४९ रनको पारी खेलिन् ।
जारी अभ्यास श्रृंखलामा सम्झना उच्च लयमा देखिएकी छन् । अघिल्लो दुई खेलमा उनले अर्धशतकीय पारी खेलेकी थिइन् ।
यस्तै, आइतबार उपकप्तान पूजा महतोले २८ बलमा ४३ रन बनाइन् । आजको खेलमा उनी अविजित रहिन् ।
नेपालले आइसिसी महिला टी–२० विश्वकप छनोटअघि अमेरिका र स्कटल्याण्डसँग अभ्यास सिरिज खेलिरहेको हो । आसन्न विश्वकप छनोट १८ जनवरीदेखि काठमाडौंमा सुरु हुने तालिका छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
