काठमाडौंं– शनिबार साँझ पाकिस्तान र अफगानिस्तानबीच खेल सुरु भयो । अफगानिस्तानले टस जितेर पहिले ब्याटिङ गर्ने निर्णय गर्यो । उसले ५० ओभरमा सबै विकेट गुमाउँदै २२७ रन बनायो । 

२२८ रनको लक्ष्य लिएर मैदानमा उत्रिँदै थियो, पाकिस्तान । 

तर, अफगानिस्तानको पारीकै समयमा रंगशालामा उपस्थित भएका पाकिस्तान र अफगानिस्तानका समर्थकबीच कुटपिट सुरु भइसकेको थियो । 

अहिले सामाजिक सन्जालमा यसको चर्चा निकै बढेको छ । सामाजिक सन्जालमा सेयर भएका भिडियोहरुको दाबी छ, दुई देशका समर्थकले एकअर्कालाई हानाहान गरे । त्यसपछि त्यहाँबाट दुई जनालाई मैदानबाहिर समेत निकालियो ।

भिडियोमा यो मैदानकै कुरा भनिएको दाबी गरिए पनि आइसिसी प्रवक्ताले चाहिँ यसलाई मैदानबाहिरको घटनाका रुपमा बताएका छन् । 

प्रहरीले चाहिँ ती व्यक्तिहरुलाई नियन्त्रणमा लिइसकेको जनाएको छ ।

याे खेलचाहिँ पाकिस्तानले तीन विकेटले जितेकाे छ ।

#WATCH: A scuffle breaks out between Pakistan and Afghanistan fans outside Headingley Cricket Ground in Leeds after an aircraft was flown in the area which had 'Justice for Balochistan' slogan. Leeds air traffic will investigate the matter. pic.twitter.com/mN8yymQOP5

— ANI (@ANI) 29 June 2019