Sat, 24 Aug, 2019


सुदूरपश्चिममा सत्तारुढ दलका सांसद् नै ‘प्रतिपक्ष’
फरकधार / असार १७, २०७६

धनगढी– सुदूरपश्चिम प्रदेश सरकारले आगामि आर्थिक वर्ष २०७६–७७ का लागि ल्याएको बजेटको विरोधमा सत्तारुढ दलकै सांसद्हरु उभिएका छन् । बजेटले सबै क्षेत्रलाई न्याय नगरेको आरोप लगाउँदै उनीहरुले हस्ताक्षर संकलन गरेर मुख्यमन्त्री त्रिलोचन भट्टलाई बुझाएका पनि छन् । 



सरकारले ल्याएको बजेटको विपक्षमा यसअघि देखि नै प्रमुख प्रतिपक्षी नेपाली कांग्रेसका सांसदहरुले अभिव्यक्ति दिइरहेका छन् । यहीबीच सत्तापक्षका २५ सांसद्ले पनि सरकारले बजेट संशोधन गर्नु पर्ने माग गरेका छन् । 

उनीहरुले मन्त्रीहरुले आफूखुसी बजेट वितरण गरेको आरोप लगाएका छन् । बजेट वितरण असमान ढंगबाट भएको भन्दै दबाब दिन हस्ताक्षर गरेको उनीहरुले बताएका छन् । 

सुदूरपश्चिममा ५ असारदेखि अवरुद्ध भएको प्रदेशसभाको बैठक अझै सुचारु हुन सकेको छैन । मंगलबार संसद चल्न नसकेपछि बुधबारका लागि फेरि बैठक बोलाइएको छ ।


यो सामाग्री सेयर गर्नुहोस्


यो पनि नछुटाउनुहोस्