काठमाडौं– इपिएस प्रणालीअन्तर्गतको कोरियन भाषा परीक्षा पास गरेर बस्नुभएको छ र कोरिया जान पाइनेमा ढुक्क हुनुहुन्छ ? ढुक्क नहुनुस्, किनकि सो परीक्षा पास गरेकै आधारमा कोरिया जान पाउने सम्भावना ५० प्रतिशत मात्रै छ ।
वैदेशिक रोजगारीको लागि दक्षिण कोरिया जान यसपालि भाषा परीक्षामा पास हुनेमध्ये आधा मात्र जान पाउनेछन् । सो परीक्षा पास गरेका १२ हजार ९ जनामध्ये दक्षिण कोरियाले ६ हजार ७ सय मात्र कामदार लैजाने इपिएस शाखाले जनाएको छ ।
कोरियाले यो वर्ष उत्पादनमूलक क्षेत्रमा ४ हजार ७ सय र कृषि मूलक क्षेत्रमा २ हजार कामदार लैजाने त्यहाँको मानव संशाधन केन्द्रले नेपाललाई जानकारी दिएको छ । कोरियन भाष परीक्षामा उत्पादनमूलक क्षेत्रमा ९ हजार १ सय ३३ र कृषिमूलक क्षेत्रमा २ हजार ८ सय ७६ जनाले नाम निकालेका थिए ।
भदौ ४ देखि १८ गतेसम्म हुने सीप परीक्षणको नतिजाअनुसार दक्षिण कोरिया जान पाउने–नपाउने निश्चित हुन्छ । सीप परीक्षणको लागि असार २० देखि २९ गतेसम्म रजिस्ट्रेसन फारम भरिसक्नु पर्ने इपिएस शाखाले जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।