Tue, 16 Jul, 2019


प्रहरीको कुटाइबाट पत्रकार गम्भीर
फरकधार / असार २२, २०७६

सिन्धुली– नेपाल पत्रकार महासंघ सिन्धुली शाखाका अध्यक्ष होमबहादुर कार्की (राजन) प्रहरीको कुटाइबाट गम्भीर घाइते भएका छन् । 



सिन्धुलीमा उनको उपचार हुन नसकेपछि काठमाडौं लगिएको छ । उनलाई दुई प्रहरीले गएराति कुटपिट गरेका थिए । दुवै प्रहरी जिल्ला प्रहरी कार्यालय सिन्धुलीमा कार्यरत हुन् । 

कुटपिटबाट कार्कीको टाउकोमा गम्भीर चोट लागेको बताइएको छ । उनलाई कुनै कारणविना प्रहरीले कुटपिट गरेको थियो । अर्का पत्रकार मीनकुमार दाहालका अनुसार प्रहरीले आफूहरुले खाजा खाइरहेको होटलमा अर्को टेबलबाट भिडियो खिच्न सुरु गरेको र त्यसो नगर्न अनुरोध गर्दा कुट्न थालेको बताएका छन् । यसरी पत्रकारमाथि कुटपिट गर्ने प्रहरी हवल्दार सनमसिंह लामा र प्रहरी जवान विकास स्याङतान हुन् ।

नेपाल पत्रकार महासंघले घटनाको विरोध गरेको छ ।


यो सामाग्री सेयर गर्नुहोस्


यो पनि नछुटाउनुहोस्