नयाँ दिल्ली– भारतीय प्रधानमन्त्री नरेन्द्र मोदीले आफ्नो पार्टी भाजपाका सबै सांसदलाई महात्मा गान्धीको १५०औँ जन्मजयन्तीको अवसरमा १५० किलोमिटर पदयात्रा गर्न निर्देशन दिएका छन् । 

जसअनुसार, भाजपासम्बद्ध सबै लोकसभा सदस्यले २ देखि २१ अक्टोबरसम्म आ–आफ्नो निर्वाचन क्षेत्रमा हुने पदयात्राको नेतृत्व गर्नेछन् । भाजपाले नजितेका क्षेत्र भने राज्यसभा सदस्यहरुलाई जिम्मा लगाइएको छ । पदयात्रासँगै उनीहरुले महात्मा गान्धी र स्वतन्त्रताको संघर्षबारे विभिन्न कार्यक्रम गर्नेछन् । 

रिपोर्टअनुसार, हरेक लोकसभा क्षेत्रमा १५ देखि २० टोली खटाइनेछ । प्रतिदिन १५ किलोमिटर पदयात्रा चल्नेछ । सांसदहरु महात्मा गान्धी र स्वतन्त्रता संघर्षबारेका कार्यक्रमसँगै वृक्षारोपणमा समेत सहभागी हुनेछन् ।