एजेन्सी– पछिल्लो समय बलिउडमा अभिनेत्री कंगना रनौटको विषयलाई लिएर विभिन्न कलाकारले विभिन्न अभिव्यक्ति दिन थालेका छन् । तिनैमध्येका एक हुन्, तनु वेड्स मनु भन्ने फिल्ममा कंगनासँगै काम गरेका जिम्मी शेरगिल । 

जिम्मीले पनि कंगना फिल्म रिलिजअघि सधैं विवादमा आउने कुरालाई लिएर आफू आश्चर्यमा परेको बताएका छन् । ‘कतै यो नियोजित त होइन,’ उनले भारतीय मिडिया टाइम्स अफ इन्डियालाई भनेका छन्, ‘नत्र किन उनी सधैं फिल्म आउने समयमा मात्र विवादमा आउँछिन् ?’

जिम्मीले कंगनासँग जसको कुरा नमिलेको हो, उसँग बसेर दुई जनाले सल्लाह गरे यो समस्या समाधान भइहाल्ने तर उनीहरु दुईका कारण पूरै क्षेत्रमा हल्ला भएकोमा आपत्ति पनि जनाएका छन् । जिम्मीले आफूले कंगनासँग काम गर्दा चाहिँ कुनै समस्या नभएको पनि बताएका छन् ।