नयाँ दिल्ली– कारगिल युद्धको २० वर्ष पुगेको अवसरमा भारतीय वायुसेना प्रमुख बिएस धनोआले यदि कारगिल दोहोरियो भने त्यो अन्तिम लडाइँ हुने भन्दै आफू त्यसका लागि पूरै तयार रहेको बताएका छन् । धनोआको यो भनाइलाई भारतीय वायुसेनाको तर्फबाट पाकिस्तानलाई घुमाउरो भाषामा दिइएको चेतावनीको रुपमा हेरिएको छ । 

नयाँ दिल्लीमा आयोजित एक सेमिनारमा बोल्दै धनोआले केही महिनाअघि पाकिस्तानको बालाकोटमा भारतले गरेको एयर स्ट्राइकको उदाहरण दिँदै अब भारतीय वायुसेना कुनै पनि मौसममा लगातार बमबारी गर्न सक्षम रहेको बताए ।

Indian Air Force Chief BS Dhanoa on the 20th anniversary of Kargil War: Like all good Generals, we are prepared to fight the last war. If Kargil comes again, we are very well prepared. pic.twitter.com/EBVNmFB3YO

— ANI (@ANI) July 16, 2019

कारगिल युद्धपछि वायुसेनाको क्षमता निकै बढेको भन्दै उनले अब भारतीय वायुसेना पारम्परिक र गैरपारम्परिक युद्धका समय कुनै पनि प्रकारको हवाई खतरासँग जुध्न तयार रहेको बताए । 

भारतको पुलवामामा ४० अर्धसैनिकको ज्यान जानेगरी भएको आतंककारी हमलाको जवाफमा भारतले पाकिस्तानको बालाकोटमा एयर स्ट्रइक गरेपछि पछिल्ला केही महिना भारत–पाक सम्बन्ध निकै तनावपूर्ण रह्यो । त्यही तनावका कारण भारतका लागि पाँच महिनादेखि बन्द रहेको पाकिस्तानी हवाई क्षेत्र केही घन्टाअघि मात्रै पाकिस्तानले खुला गरेको थियाे ।