Tue, 10 Dec, 2019


करेन्ट लागेर एकजनाको मृत्यु
फरकधार / साउन ४, २०७६

नुवाकोट– नुवाकोटको सूर्यगढी गाउँपालिका–५ स्थित बगुवामा करेन्ट लाग्दा शनिबार एकजनाको मृत्यु भएको छ ।



सोही गाउँपालिकास्थित बगुवामा छिमेकीको घरको केबलको तार बनाउन बिजुलीको पोलमा चढेका ३५ वर्षीय विष्णु राईलाई करेन्ट लाग्दा उनकाे मृत्यु भएको जिल्ला प्रहरी कार्यालय नुवाकोटका प्रहरी निरीक्षक विष्णुहरि फुँयालले जानकारी दिए । 

करेन्ट लागेर गम्भीर घाइते भएका राईलाई उपचारका लागि जिल्ला अस्पताल त्रिशूली ल्याइएको थियो । घाइते राईको उपचारका क्रममा मृत्यु भएको र उनको शव परीक्षणका लागि आवश्यक प्रक्रिया र अनुसन्धान भइरहेको प्रहरीले जनाएकाे छ । 


यो सामाग्री सेयर गर्नुहोस्


यो पनि नछुटाउनुहोस्