Thu, 22 Aug, 2019


मकवानपुरमा गाँजा तस्कर र प्रहरीबीच गोली हानाहान
फरकधार / साउन ५, २०७६

हेटौंडा– मकवानपुरको मनहरी गाउँपालिका वडा नम्बर ९ मा प्रहरी र केही व्यक्तिबीच गोली हानाहान भएको छ । प्रहरीमाथि गोली हान्ने ती व्यक्तिहरु गाँजा तस्कर भएको प्रहरीले जनाएको छ । 



गएराति  गाँजा बोकेका ५–६ जनाको समूह र मकवानपुर प्रहरीबीच गोली हानहान भएको हो । 

प्रहरीका अनुसार प्रहरी देख्नेवित्तिकै त्यो समूहले प्रहरीमाथि गोली चलाउन सुरु गरेको थियो । प्रहरीले जवाफी फायरिङ गर्यो । तर, दुवैतर्फ कुनै पनि मानवीय क्षति हुन पाएन । 

घटनामा प्रहरीले एकजनालाई नियन्त्रणमा लिएको छ । उनलाई आइतबार दिउँसो पत्रकार सम्मेलन गर्दै सार्वजनिक गर्ने प्रहरी तयारी छ ।


यो सामाग्री सेयर गर्नुहोस्


यो पनि नछुटाउनुहोस्