काठमाडौं– सिंगापुर र कुवेतबीचको खेल रद्द भएपछि आइसिसी टी–ट्वान्टी विश्वकप छनोटअन्तर्गतको एसिया फाइनलमा नेपाल अंकविहीन भएको छ । गत मंगलबार भएको खेलमा नेपाल कतारसँग ४ विकेटले पराजित भएको थियो ।

मंगलबार इन्डियन एसोसिएसन क्रिकेट मैदानमा हुन लागेको सिंगापुर र कुवेतबीचको खेल वर्षाको कारण रद्द भएपछि नेपाललाई घाटा लागेको छ । सिंगापुर र कुवेतले एक–एक अंक बाँडेपछि नेपाल अंकविहीन हुन पुगेको छ । 

अंक तालिकामा सिंगापुरले २ खेलमा ३ अंक जोड्दै शीर्ष स्थानमा छ । मलेसियाले १ खेलमा २ र कतारले २ खेलमा २ अंक जोडेको छ ।

नेपाल भने १ खेल खेले पनि अंकविहीन हुँदै पुछारमा रहेको छ । अब नेपालले बुधबार मलेसियासँग प्रतिस्पर्धा गर्दै छ ।