काठमाडौं– आइसिसी टी–२० एसिया छनोट प्रतियोगितामा नेपालले कुवेतविरुद्ध सहज जित निकालेको छ । सिंगापुरमा भएको खेलमा नेपालका कप्तान पारस खड्काले अर्धशतक प्रहार गरे ।
यो एसिया छनोटको फाइनलको तेस्रो खेल हो । अब नेपालले चौथौं खेल पनि जितेमा ऊ विश्व छनोटमा छानिनेछ ।
शनिबार भएको खेलमा चाहिँ नेपालले कुवेतविरुद्ध ७ विकेटको जित निकालेको हो ।
टस जितेर कुवेतलाई फिल्डिङको निम्तो दिएको नेपालले १५ ओभर ५ बलमा १४३ रन बनाएको हो । खेलमा पारसले ६८ रन बनाए । उनले ४२ बलमा ११ चौका र एक छक्का प्रहार गरे । त्यस्तै, नेपालका लागि शरद भेषवाकरको ३८ र ज्ञानेन्द्र मल्लको १९ रनको योगदान रह्यो । रोहित पौड्यालले चाहिँ ६ रन बनाए ।
कुवेतका बलर मोहम्मद कासिफ एक्लैले तीन विकेट लिए ।
यसअघि २० ओभरमा ९ विकेट गुमाएर कुवेतले १४१ रन जोडेको थियो ।
बलिङमा नेपालका सन्दीप लामिछाने र वसन्त रेग्मीले ३–३ विकेट लिएका थिए । करण केसी र अविनास बोहोराले क्रमशः दुई र एक विकेट लिएका थिए ।
नेपालले विश्व छनोटमा खेल्नका लागि आइतबार सिंगापुरविरुद्ध खेल खेल्दैछ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।