काठमाडौं– ललितपुरको नख्खु कारागारमा शुक्रबार कैदीबन्दीबीच झडप भएको छ । सो झडपमा गरी एकजना कैदीको मृत्यु भएको छ ।  

झडपमा परेर नख्खु कारगारमा जेल जीवन बिताइरहेका पूर्णबहादुर राजीवको मृत्यु भएको हो । अपराह्न १ बजेको आसपासमा सो झडप भएको प्रहरीले जनाएको छ । 

जबर्जस्ती करणी मुद्दाका दोषी पूर्णबहादुर राजीवमाथि ज्यान मुद्दाका कैदीबन्दीले आक्रमण गरेको ललितपुर प्रहरीले जनाएको छ । पवन नाम गरेका ज्यान मुद्दाका कैदीले राजीवलाई आक्रमणकार गरेर हत्या गरेको बुझिएको छ । 

आक्रमणकारीलाई नियन्त्रणमा लिइएको बताइएको छ । घटनाबारे थप अनुसन्धान चलिरहेको प्रहरीको भनाइ छ ।