एजेन्सी– यो दुनियाँमा मानिसहरु पनि बढो विचित्रका हुन्छन् । समाचारको हेडिङ पढेर तपाईंले यो अनुमान लगाउनु भयो होला यो के विषयको समाचार हो भन्ने ।
हो, भारतको हैदराबादको एक स्टार होटलमा एक व्यक्तिले सय दिनसम्म बसेर मस्ती गरे । तर, अन्तिममा जब उनको बिल १२ लाख ३४ हजार भारतीय रुपैयाँ आयो, उनी बिल नतिरी होटलबाट गायब भए ।
प्रहरीले यो घटना ताज बंजारा नामको होटलमा भएको र त्यहाँको व्यवस्थापनले उजुरी दिइसकेको बताएको छ । यस्तो गर्ने व्यक्ति व्यापारी शंकर नारायण भएको प्रहरीले जनाएको छ ।
होटलको व्यवस्थापनले भनेअनुसार यी व्यक्ति १०२ दिन होटलको लक्जरी सुइट कोठामा बसेका थिए । उनको कूल बिल चाहिँ २६ लाख रुपैया उठेको थियो । उनले १३ लाख चाहिँ होटललाई बुझाएछन् । र, त्यसपछि त्यहाँबाट फरार भएछन् ।
उनी बारम्बार सम्पर्क गर्ने प्रयास गर्दा पनि नआएपछि प्रहरीलाई उजुरी दिइयो । प्रहरीलाई चाहिँ ती व्यक्तिले आफूले पूरै रकम उपलब्ध गराएको बताएका छन् । यस विषयमा प्रहरीले अनुसन्धान सुरु गरेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।