Sun, 17 Nov, 2019


बकर इदमा राष्ट्रिय सभा अध्यक्षको शुभकामना
फरकधार / साउन २६, २०७६

काठमाडौं– इस्लाम धर्मावलम्बीहरुको महान चाड इद उल अजहा (बकर इद) को अवसरमा राष्ट्रिय सभा अध्यक्ष गणेशप्रसाद तिमिल्सिनाले सम्पूर्ण इस्लाम धर्मावलम्बीहरुलाई बधाई तथा शुभकामना दिएका छन् ।



सोमबार एक विज्ञप्ति जारी गर्दै तिमिल्सिनाले नेपालले सबै समुदाय र धर्मको सम्मानमा विश्वास गर्ने र विविधता भित्र एकता नै नेपाल र नेपालीको पहिचान र विशेषता भएको उल्लेख गरेका छन् ।

‘यस चाडले नेपाली समुदायमा आपसी भातृत्व, मित्रता, सामाजिक सद्भाव र एकता कायम गरी देशको समृद्धिको यात्रामा साथ पुग्ने विश्वास लिएको छु,’ विज्ञप्तिमा उल्लेख गरिएको छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्