काठमाडौं– संसदीय समितिका सभापतिका लागि गाडी खरिद गर्दा भएको अनियमितता छानबिनका लागि संघीय संसद्ले छानबिन समिति गठन गरेको छ । 

राष्ट्रिय सभाका संसद रामनारायण बिडारीको संयोजकत्वमा समिति गठन भएको हो । विडारी संयाेजक रहेकाे समितका सदस्यमा कृष्ण दाहाल, तारादेवी भट्ट, कृष्णभक्त पाेखरेल र भरत साह सदस्य छन् ।

संसद्का विभिन्न समिति गठनपछि समितिका अध्यक्षहरूको माग अनुसार संसदीय समितिले गाडी खरिद गरेको थियो । 

समितिका सभापतिहरूका लागि सद्दे गाडी हुँदाहुँदै नयाँ गाडी किनिएको भन्दै संसद् सचिवालयको चर्को आलोचना भएको थियो ।

सचिवालयले किनेका नयाँ गाडीमा विभिन्न समस्या देखिएपछि छानबिन समिति गठन गरिएको हो ।