एजेन्सी– पाकिस्तानी पूर्वराष्ट्रपति परवेज मुशर्रफका नातेदारकी छोरीको विवाहमा पर्फमेन्स दिन पुगेका भारतीय गायक मिका सिंह पछिल्लो समय निकै ठूलो आलोचना भइरहेको छ । यही आलोचनाबीच उनलाई भारतमा प्रतिबन्धसमेत लागेको छ । 

यो प्रतिबन्ध अल इन्डिया सिने वर्कस् एसोसियसनले लगाएको हो । यसलाई लिएर सिने वर्कस् एसोसियसनले एउटा विज्ञप्ति नै जारी गरेको छ । 

विज्ञप्तिमा उनीमाथि प्रतिबन्ध लगाइएको र यसलाई फिर्ता नलिने बताइएको छ । उनलाई फिल्म निर्माता कम्पनी, म्युजिक कम्पनी तथा अनलाइन म्युजिक प्रोभाइडरहरुले अब तुरुन्त बहष्किार गर्ने पनि बताइएको छ । 

सिके वर्कस् एसोसियसनका अध्यक्षले जारी गरेको विज्ञप्तिमा भारतमा मिका सिंहसँग कसैले पनि काम नगर्न पनि अनुरोध गरिएको छ । काम गरेमा उनीहरुले कानुनी बाटो अपनाउने विज्ञप्तिमा उल्लेख गरिएको छ । 

विज्ञप्तिमा मिका सिंहले देशको सम्मानमा आँच पुर्याएको बताइएको छ ।