काठमाडौं– यस वर्षको मदन पुरस्कार योगेश राजको पुस्तक रणहारले दिने मदन पुरस्कार गुठीले घोषणा गरेको छ ।
मदन पुरस्कारका लागि सात उत्कृष्ट पुस्तकको सूची केहीअघि सार्वजनिक भएको थियो । गुठीलाई प्राप्त भएका २७५ पुस्तकमध्ये रणहारलाई पुरस्कार दिइएको गुठीले निकालेको विज्ञप्तिमा उल्लेख गरिएको छ ।
यस वर्षदेखि मदन पुरस्कार र जगदम्बा श्री पुरस्कारको राशी चार–चार लाख बनाइएको पनि गुठीले जारी गरेको विज्ञप्तिमा उल्लेख गरिएको छ ।
त्यस्तै, तेस्रो आयाम साहित्यिक अभियानका प्रारम्भकर्तामध्येका एक कवि वैरागी काइँलालाई लिम्बु भाषा तथा मुन्धुम संस्कार र संस्कृतिको अध्ययन तथा अनुसन्धान तथा अभिलेखीकरण गरेर नेपाली वाङ्मयको समृद्धिमा उल्लेख्य योगदान पुर्याएको भन्दै गुठीले जगदम्बा श्री पुरस्कार दिने जनाएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।